حكاياتى مع الترامادول



الحكاية الاولى 
ــــــــــــــــــــــــــــ
انا مدمن ترامادول وحقول حكايتى مع الترامادول بس بالعامى استحملونى شوية شوفوا بقة القصة ايه ... الترامادول مسكن وتاثيره فى البداية ممكن يكون فظيع ومضاد للاكتئاب وبيعمل نشاط وحيوية وكمان فى العلاقة الزوجية مفيد بس هل دا هو الوجه الوحيد !تعالوا نشوف تأثيراته واعراضه الجانبية وحقولها بإختصار ...

حكايتى مع الترامادول
حكايتى مع الترامادول

اولا :  مسكن قوى ودى اتفقنا عليها 


ثانيا : له خصائص مضادة للاكتئاب 

ثالثا :  يؤدى الى توقف وركود فى عملية الهضم والاخراج بشكل فظيع ودا اسوء عرض جانبى ليه .
انا بحسد الناس الى بيروحوا الحمام عادى & تخيلوا انا بحتاج اشترى على طول حقن شرجية ودخول الحمام بالنسبة لى ماساة وبيأخد منى من نصف ساعة الى ساعة على الاقل .


رابعا : بيسد النفس او بيقفل الشهية وهو طبيعى لما يكون بيوقف عملية الهضم يبقى ازاى هتأكل ونفسك تبقى مفتوحة وطبعا دا معناه انك مع الوقت هتخس وهيقل وزنك وهتكون دبلان .(انا بس الى حالة شاذة ومش باين على حاجة الحمد لله )

خامسة : هبوط فى التنفس وعموما لو سمعتم ان الترامادول ممكن يموت فاهيكون السبب هو توقف مركز التنفس فى المخ . لانه حتى الان لم ترد حالات تسمم تسببت فى الموت بسبب فشل فى الكبد او الكلى هو الحق يتقال يعتبر امن جدا بالنسبة للكلى والكبد واكثر امانا من الاسبيرين والباراسيتامول بمراحل .

سادسا : فى اعراض بسيطة بتيجى فى الاول وبتروح مع التعود زى الهرش مثلا او التعرق الشديد او االترجيع او دوخة او عصبية او هدوء مبالغ فيه .

سابعا : ودا بقى الى هم مهتمين بيه جدا دلوقتى فى اخر الابحاث ان التامول بعد جرعات عالية ممكن يعمل حالات من التشنجات والصرع انا شفتها بنفسى قبل كده وانا الى لحقت صاحبى والحمد لله يومها حتى يومها اتخانقت مع الناس الى فى المستشفى لانهم كانوا بيتعاملوا بجهل وجليطة وغباء .


المهم التشنجات والصرع ممكن يموت ممكن ابسط حاجة اللسان (مهو عضلة ) تبلعه ويسدلك مجرى التنفس .طبعا علاج الحالة دى وهى حالة طوارىء حقنة ديازيبام او كلونازيبام فى الوريد فورا .
وكمان ممكن ندى نالوكسون عشان الناروكزون عمله يعتبر مضاد للترامادول نوعا ما .

عشان كده انا باخد مهدئات وبالتحديد زانكس لانى بخاف من موضوع الصرع دا ومن يوم ماشفت صاحبى وانا اترعبت من المنظر .

الحكاية الثانية :
ـــــــــــــــــــــــ


تجربتي الأولى مع الترامال اس ار بعد عمليتي الاولى...غثيان و استفراغ و لما وصلت الطوارئ كنت بضحك و ببكي بدون إرادة في نفس الوقت...صديقتي حست حد بيزغزغ رجلها بعد عمليتها و ان في أشخاص عند رجل السرير..


حكاياتى مع الترامادول
حكاياتى مع الترامادول
انت لو مش عايز تنقذ نفسك مفيش قوة في الدنيا هتنقذك...بقولهالك من تجربة واحدة كانت في فترات على وشك الموت بسبب حساسيتي المفرطة في التعاطي مع الأمور لدرجة كانت بتمنعني عن الأكل و الشرب و النوم و اكاد أفقد معاها عقلي..مرة من فترة من قمة توتري كنت بدل ما اعمل يو تيرن دخلت في اشارة واقفة و كنت هفقد حياتي و أعمل حادثة لولا ستر ربنا..

 خلينا نكون واقعيين..عشان ايه و مين تضر جسمك و نفسك؟ هل تعتقد في حاجه أغلى منك شخصيا تستحق التضحيه دي و حالة الخدر الدائم اللي انت فيها؟

 بجد الدنيا محتاجه حد مصحصح قوي و يا بخت اللي يتقال عليه قوي مش غلبان دلوقتي..بقولهالك عن تجربه..الرقة و الغلب و الطيبة لا هتأكلك عيش و لا هتوفرلك بيت و لا أي حاجه في أي حته...الكل بيعرف كله حاليا للمصلحه و الونس و بس..

بعد صراعات نفسية مريرة و فترات اكتئاب قاربت فيها على فقدان صوابي تماما عشان اللي يسوى و ميسواش إكتشفت حاجه يا انجل..أهم حاجه في حياة المخلوق حاليا مش علاقاته و طيبته و المنتدى و الفايس بوك... دراسته اللي بتوصله لشغلانه كريمة..الشغل بيديك كل الكرامة و كل حاجه في الدنيا بطريقة أو اخرى...و الشغل محتاج واحد مصحصح مش عفوا مسطول .

المصدر: منتديات + مصحات علاج ادمان





One Response so far.

  1. hope eg says:
    أزال أحد مشرفي المدونة هذا التعليق.

Leave a Reply

علاج الادمان

علاج الادمان